Zer ikasi:
Azokara eginiko ateraldi batean jasotako datuak kudeatu, kalkulu orria erabiliz.
Zer egin:
1. ZATIA: Merkatura joan aurretik.
Jarduera honetan Vianan ostiralero egiten den merkatura bisita bat nahi dugu antolatu, bertan izaten den komertzio mota aztertzeko. Hortaz bisita egin baino lehen, argi jakin behar dugu zer nolako informazioa den jaso nahi duguna. Informazioa biltzeko elkarrizketa da erabiliko dugun tresna, hortaz galdetegia prestatzea da egin beharreko lehen lana.
"Archivos adjuntos" atalean galdetegi hori sortzeko eredu bat duzu, "Merkatu inkesta" izenarekin. Ireki ezazu eta lehen talde txikian osatze proposamena egin, galdera bat edo asmatu inkesta osateko. Ondoren gelan eta iraskaslearen laguntzarekin erabateko galdetegia prestatu beharko duzue. Bukatu eta gero ez ahaztu "Gure merkatu inkesta" izenarekin karpetan gordetzen.
2. ZATIA: Merkatutik itzuli ondoren.
Merkatuan jaso duzuten informazioa digitalizatu behar duzue orain. Horretarako:
- Zure taldeari dagokion informazioa garbira pasa eta zuen taulan idatzi eta testu modura gorde. "Gure merkatu inkesta betea" izenarekin
- "Archivos adjuntos" atalean dagoen "3_Merkatua-datuak" kalkulu orria ireki eta zure taldeari dagokion zutabean datuak sartu. Talde guztiak sartu eta gero kalkulu orria zuen karpetan gorde: "Gure Merkatua-datuak" izenarekin.
Ekoizpena
- "Gure merkatu inkesta betea" dokumentua.
- Taldeak taulan jasotako datuak eta gela osoko datuak biltzen duen kalkulu orria: "Gure Merkatua-datuak"
Ebaluazioa
- Irakasleak ebaluatuko duena:
- Inkesta dokumentua ongi osaturik dagoen, informazio nahiko eta toki egokian jarria.
- Kalkulu-orria ongi beteta dago, kodifikazioa errespetatuz eta datu guztiak sartuz.
- Iniziatiba eta interesa erakutsi du
- Arduratsu jokatu du lanean.
- Auto-ebaluazioa:
Ireki “auto-ebaluazio orria” dokumentua eta gaurko lanari dagokiona bete eta gero berriro gorde ezazu zure karpetan.
Jarduera hau bukatu duzu!